филиал вгтрк государственная телерадиовещательная компания “Алания”

«Цæмæй хъуыды кæной». Беслæны трагедийы номыл Дзæуджыхъæуы æххæст кæнын райдыдтой нырыккон аивады проект. Йæ фыццаг хай уыд нотæты библиотекæйы. Æвдыст дзы æрцыдысты Анастасия Хорошиловайы нывты равдыст «Зæронд хабæрттæ». Инсталляцитæ конд сты хæцæнгæрзты ящикты хуызы. Мидæгæй та сæ ис, Беслæны теракты цы сывæллæттæ фæмард сты, уыдоны ныййарджыты нывтæ. Сæ фарсмæ та ис стыр экран – уым æвдыст цæуынц 2004-æм азы 1-æм сентябры ист кадртæ. Анастасия Хорошилова проектыл куыста 5 азы. 2011-æм азы йæ равдыста нырыккон аивады Венецийы бейеналлийы. Ныр та хаст сты Мæскуыйы нырыккон аивады музейы æмæ Ольга Свибловайы Хуызыстыты хæдзары фондттæм.

Проекты дыккаг хай – литературон-музыкалон цикл «In Memoriam» арæзт æрцыд оперæ æмæ балеты паддзахадон театры. 7 æрыгон композиторы, Санкт-Петербурджы консерваторийы рауагъдонтæ ныффыстой 7 авдминутон уацмысы симфонион оркестрæн. Текстытæ та райстой, амынæты чи уыд, уыцы сывæллæтты боныгтæй. Оркестрæн разамынд лæвæрдта дирижер Гугкаты Зауырбег. Уацмысты автортæ сты уæрæсейы æмæ фæсарæйнаг горæттæй: Галинæ Зиганова, Александр Степанов, Алина Новикова, Елизавета Панченко, Мехди ХоссЕйни, Антон Лубченко æмæ ацы хъæппæрисы автор Дзлиаты Дзерассæ.