филиал вгтрк государственная телерадиовещательная компания “Алания”

Беслæны 1-æм скъолайы байгом уыдзæн музей. Уым æрæмбырд кæндзысты, теракты чи фæмард, уыцы сывæллæтты дзаумæттæ. Уый тыххæй æрвылазон сæрмагонд пресс-конференцийы фехъусын кодта «Беслæны мадæлты» комитеты сæрдар Дудиаты Сусаннæ. Хицæн экспозици та равæрдзысты Мæскуыйы Дубровкæйы, Буденновскы æмæ Волгограды теракттимæ баст æрмæджытæ. Музйы цы интерактивон кусæнгæрзтæ сæвæрдзысты, уыдоны фæрцы информаци бакæсæн уыдзæн теракты алы амæттаджы тыххæй дæр. Дудиаты Сусаннæ ма фехъусын кодта, Слестгæнæн комитет 31-æм декабрьмæ кæй фæдæргъвæтиндæр кодта Беслæны теракт æвзарыны хъуыддаг. Йæ ныхæстæм гæсгæ ныридæгæн не сбæрæг кодтой 6 террористы нæмттæ.