Ног наукон кълас сифтонг кæнынæн баххуыс кодтой уæрæсейаг газет «Аргументы и Факты» стæй фонд «Быть Добру»
Беслæны 8-æм скъолайы кадджын уавæры байгом наукон æрхъуыдыдзинæдты парк. Ног наукон кълас сифтонг кæнынæн баххуыс кодтой уæрæсейаг газет «Аргументы и Факты» стæй фонд «Быть Добру». Сывæллæттæ уазджытæн бацæттæ кодтой ирд программæ, кæфтытимæ, зарджытимæ æмæ чысыл инсценировкæтимæ. Скъолайы кусынц алыхуызон къордтæ æмæ секцитæ, сæхи газет æмæ ма суанг сæхи телеуынынад дæр. Нырæй фæстæмæ та ма дзы кусдзæн наукон хайад, сæрмагонд нырыккон фæйнæгимæ, калейдоскоп æмæ робототехникæимæ, стæй ма бирæ æндæр цымыдисаг хъуыддæгтимæ. Иуæй-иу кусæнгæрзтæ скъола самал кодта йæхæдæг. Уый фæрцы скъоладзаутæн фадат уыдзæн инженерон сусæгдзинæдтæ зонынæн.
