Архайдтой дзы 5 командæйы 15-16 аздзыд фæсивæд, æдæппæтæй 50 адæймаджы
Беслæны арæзт æрцыд «Президентон спортивон хъæзтыты» республикон къæпхæн. Архайдтой дзы 5 командæйы 15-16 аздзыд фæсивæд, æдæппæтæй 50 адæймаджы. Се ппæт дæр сты сæхи скъолаты æмæ муниципалон скондты æвзарæн ерысты уæлахиздзаутæ. Лæппутæ æмæ чызджытæ ерыс кодтой баскетболæй, волейболæй, теннисæй æмæ рог атлетикæйæ. Ерыстæ адарддæр кодтой спорты Галуан «Манеж»-ы æмæ Цæгат Ирыстоны паддзахадон университеты спорты Галуаны. «Президентон спортивон хъæзтытæ» арæзт цæуынц 11-æм аз. Ацы хатт финалмæ рацыдысты Камбилеевскæйы 1 скъола, Дзæуджыхъæуы 46 æмæ 47 скъолатæ, Беслæны 5-æм æмæ Æрыдоны 1-æм скъолатæ. Республикон къæпхæны уæлахиздзаутæ архайдзысты æппæтуæрæсеон финалы. Уыдзæн Анапæйы сентябры.
