26 июня 2024, 11:49
Беслæны арæзт æрцыди æрвылазон республикон турнир æмхæццæ хъæбысхæсты хуызтæй
300 спортсменæй фылдæр хъахъхъæдтой Цæгат Ирыстоны раззагдæр клубты кад. Уæлахизыл архайдтой, 14 азæй 20 азы онг кæуыл цæуы, ахæм фæсивæд. Турнирмæ спортсменты æвзæрстой рейтингы баллтæм гæсгæ. Ерыстæ ахадгæ æмæ ахсджиаг уыдысты куыд тренертæн, афтæ спортсментæн дæр. Чемпионаты хатдзæгтæм гæсгæ, скодтой РЦИ-А иугонд командæ. Уый нæ республикæйы кад хъахъхъæндзæн Цæгат Кавказы федералон зылды æмвæзадыл, уый фæстæ та уæрæсейаг ерысты. Ацы турниры архайдтой Хуссар Ирыстоны æмæ Стъараполы крайы минæвæрттæ дæр.
