филиал вгтрк государственная телерадиовещательная компания “Алания”

Беслæны фыццæгæм скъолайы цы реставрацион куыстытæ ацыдысты, уыдонæн аргъ скодтой Цæгат Ирыстоны гуманитарон æмæ социалон иртæстыты институты конференцитæ аразæн залы. Ноггæнæн куыстытæ райдыдтой ацы мæй. Архайдтой дзы 20 æрыгон специалистæй фылдæр. Уыдон уыдысты реставратортæ, архитектортæ, инженертæ æмæ нывгæнджытæ Уæрæсейы 7 регионæй.  Уымæй уæлдай ма сног кодтой, къултыл цы зæрдылдарæн фыстытæ уыд, уыдон дæр. Куыстытæн аргъ скодтой «Беслæны мадæлты» комитеты уæнгтæ. Зæгъын ма хъуы уый дæр, æмæ конференцийы рæстæг республикæйы сæргълæууæджы æххуысгæнæг Хъуыссæты Мæирбег 3 арфæйы фыстæгæй схорзæхджын кодта подрядон организацийы минæвæртты.