25 марта 2024, 12:16
Беслæны кæронмæ фæци тагъд медицинон æххуысы дæлстанцæйы арæзтад
Дыууæуæладзыгон бæстыхай сарæзтой æнæниздзинадхъахъхъæнынады райрæзты программæмæ гæсгæ
Беслæны кæронмæ фæци тагъд медицинон æххуысы дæлстанцæйы арæзтад. Дыууæуæладзыгон бæстыхай сарæзтой æнæниздзинадхъахъхъæнынады райрæзты программæмæ гæсгæ. Объектæн дихгонд æрцыди 64 милуан сомы. Дæлстанцæ кусын райдыдта. Ам фæллой кæнынц 58 адæймаджы æмæ 5 бригады. Кусджытæн дзы ис фæлладуадзæн агъуыстытæ, хæрæндон, хинайæн. Рахизфарсы районы цæрджыты нымæц у 55 мин адæймагмæ хæстæг. Уыдонæн лæггад кæныны тыххæй дæлстанцæ ифтонггонд у æппæт хъæугæ кусæнгæрзтæй. Алцыдæр нырыккон домæнтæ æххæстгæнгæйæ. Уымæй дарддæр ныртæккæ Беслæны цæуы поликлиникæйы рацарæзт. Куыстытæ фæуыдзысты афæдзы кæронмæ.