филиал вгтрк государственная телерадиовещательная компания “Алания”

«Беслæны мадæлты» комитеты минæвæрттæн районы культурæйы Галуаны уыди пресс-конференци. Комитеты уæнгтæ радон хатт загътой сæ хъуыдытæ. Сæ ныхсæтæм гæсгæ, теракты слестгæнæн мадзæлттæ æххæстæй иртæстгонд не рцыдысты. Ууыл дзурæг сты, адæймаджы бартæ хъахъхъæныны фæдыл Европæйаг тæрхондоны хатдзæгтæ дæр. Зæрдыл æрлæууын кодтой, терроризмæй æфхæрдбаййафджытæн хъуамæ уа сæрмагонд статус, æмæ сæ социалон æгъдауæй хъахъхъæнынæн та ныффидар кæнын хъæуы хицæн закъон. Беслæны мадæлтæ ма бæстонæй æрныхас кодтой æндæр актуалон фарстатыл дæр. Зæгъæм, тераткты йе нæниздзинад кæмæн фæцудыдта, уыдоны медицинон æмæ медикаментозон æххуысæй ифтонг кæнын, стæй сын куысты бынæттæ ссарынæн æххуыс кæнын.