Уый тыххæй фехъусын кодтой Хицауады æмбырды
Беслæны мысæн мадзæлттæ бацæттæ кæнынæн республикæйы бюджетæй дихгонд æрцыди 9 сæдæ мин сомы. Уый тыххæй фехъусын кодтой Хицауады æмбырды. Ноджыдæр ма 5 милуаны æмæ 5 сæдæ мин сомы райсдзæн Иван Канидийы номыл скъола-интернат. Фæрæзтæ хардзгонд æрцæудзысты спортивон стадионмæ базылыныл. Æмбырды ныхас цыди ирон æвзаджы райрæзтыл нымæцон тыгъдады. Нысан кæнынц архивон æрмæджытæ нымæцон хуызмæ раивын, электрон дзырдуæттæ саразын æмæ нырыккон технологитæн бындур бацæттæ кæнын, уыимæ ныхасы хъæд сбæлвырд кæнынæн æмæ ратæлмац кæнынæн. Æрдзырдтой скъоладзауты æмæ студентты хи хъахъхъæнынады æмæ æфсæддон службæйы бындуртæм цæттæ кæныныл дæр. Республикæйы цалдæр ахуыргæнæндонæн ратдзысты культурæйы сгуыхт кусджыты æмæ Фыдыбæстæйы Стыр хæсты архайджыты нæмттæ. Хицауады уæнгтæ æркастысты гыццыл æмæ астæуккаг бизнесæн æххуысы субсидитæ дæттыны фæткмæ ивддзинæдтыл. Дзæуджыхъæуæн ратдзысты «зондджын» спортивон фæз саразынæн кусæнгæрзтæ. Иннæ фарста — фæндæгты æдасдзинад. Цæгат Ирыстоны фæуæрæхдæр кодтой авариты анализыл чи кусы, ахæм кусæг къорд. Хаст æм æрцыдысты æппæт профилон ведомствæты уæнгтæ.
