Ныридæгæн сног кодтой бæстыхайы разуынд, мидæггаг куыстытæн дæр сæ фылдæр хай у æххæстгонд
Беслæны поликлиникæйы дарддæр цæуынц цалцæггæнæн куыстытæ. Ныридæгæн сног кодтой бæстыхайы разуынд, мидæггаг куыстытæн дæр сæ фылдæр хай у æххæстгонд. Поликлиникæ суткæмæ бабæрæг кæныны фадат ис 600 адæймагæн. Лæггад кæны Рахизфарсы районы 50 мин цæрæгæй фылдæрæн. Рæстæгмæ дохтыртæ кусынц районы рынчындоны. Поликлиникæйы фæзындзæн ног ифтонггæрзтæ дæр. Уый гæнæн ис нацпроект «Æнæниздзинадхъахъхъæнынад»-мæ гæсгæ. Ныридæгæн медицинон кусæнуаты сæвæрдтой компьютерон томограф, иннæ аз дзы фæзындзæн МРТ-аппарат дæр. Поликлиникæйы бындурон цалцæг райдыдта паддзахадон программæ «Æнæниздзинадхъахъхъæнынады райрæзт»-мæ гæсгæ. Проект æххæст кæнынæн радих кодтой 500 милуан сомæй фылдæр. Куыстытæ цæуынц нысангонд фæткмæ гæсгæ.
