Документалон куыст дзуры поэт-зарæггæнæджы, Цæгат Ирыстоны культурæйы сгуыхт кусæджы царды æмæ сфæлдыстады тыххæй
Беслæны культурæйы галуаны уыд Хъуысаты Тимуры киноныв «Непобежденный. Бесланская мелодия Альберта Бебпиева»-йы премьерон равдыст. Документалон куыст дзуры поэт-зарæггæнæджы, Цæгат Ирыстоны культурæйы сгуыхт кусæджы царды æмæ сфæлдыстады тыххæй. Раргом дзы ис йæ курдиат æмæ миддуне. Киноныв дзуапп дæтты бирæ фарстатæн. Бæлвырддæр хабæрттæ радзурдзæн Хъайтмазты Дзерассæ.
Хъæбыстæ æмæ цины цæссыгтæ. Ацы изæры стъалы – Бебпиты Альберт йæ райгуырæн Беслæны культурæйы галуаны фойейы æмбæлы уазджытыл. Поэт-зарæггæнæджы, Цæгат Ирыстоны культурæйы сгуыхт кусæджы тыххæй документалон кинонывы премьерон равдыст сæмбырд кодта, йæ фидар удыхъæд кæй разæнгард кæны, уыдоны. Ацы куыст дзуры йæ цард æмæ сфæлдыстады тыххæй. Раргом дзы ис йæ курдиат æмæ миддуне.
Бебпиты Альберт, поэт-зарæггæнæг, РЦИ-А культурæйы сгуыхт кусæг: «Я хочу, чтобы зритель меня понял, и донести свою теплоту души. Надо любить друг друга, понимать друг друга. Не надо останавливаться на всяких обидах. Сегодня жизнь и так трудна. Мы должны поддерживать друг друга, сплотиться и помогать поддерживать друг другу. Любой человек перед каким-то выходом премьеры волнуется. Каким бы профессионалом не был, какой бы звездой не был, если человек не волнуется, значит это не от души идет».
Кинонывы автор Хъуысаты Тимурæн ацы куыст сæрмагонд у. Бебпиты Альбертимæ йæ бæттынц рагон хæлар ахастдзинæдтæ. Куыд зæгъы, афтæмæй йæ уды мелодийы иу нотæ дæр ма басусæг кæнын, афтæмæй Альберты тыххæй радзурын, æнцон хæс нæ разынд.
Царды æппæт зындзинæдтæ нæ хынцгæйæ, Бебпиты Альберт царды фæндагыл цæуы мидбылхудгæйæ. Ууыл дзурæг сты, йе мдзæвгæтæ, зарджытæ æмæ ма активонæй цы алыхуызон проектты архайы, уыдон.
Куыдзаты Хъазыбег, уæлдæр категорийы дохтыр-хирург: «Йæ æмдзæвгæтыл тынг бирæ зарджытæ фыст æрцыд. Мæ репертуары дæр ис ахæм зарæг – «Зæрдæйы сагъæс». Йæ ныхæстæ йын ныффыста Альберт, йæ музыкæ та Хъуысаты Тимур. Альберты хуызæн адæм сты дæнцæг бирæ фæсивæдæн. Æдзухдæр чи фæхъаст кæны, куыст мын нæй, зæгъгæ. Ахæм адæймагмæ куы бакæсай, уæд уыцы фæсивæдæн хъуамæ уа худинаг.Ау, æнæниз уæвгæйæ, уæд куыд нæ ис фадат. Фадат алкæмæндæр ис, ссарын æй хъæуы».
Киноныв дзуапп дæтты бирæ фарстатæн. Фæлæ йæ сæйраг нысан у, цæмæй алчидæр ахъуыды кæна, царды, æцæгдæр, ахсджиаг цы у, ууыл.
