Цæудзысты азтæ, фæлтæртæ ивдзысты фæлтæрты, фæлæ никуы ферох уыдзысты райгурæн бæстæйы сæраппонд чи тох кодта, уыдоны рухс нæмттæ
Ныртæккæ сæрмагонд æфсæддон операцийы зонæйы хъæбатырдзинад чи вдисы, уыдоны схонæн ис æцæг патриоттæ. Æмæ сын æндæр уæвæн дæр нæ уыд. Уымæн æмæ лæгдзинад, ныфс æмæ хъæбатырдзинад ис ирон адæмы туджы. Æрыгон фæлтæр дæнцæг кæмæй исой, уый сын ис. Фыдыбæстæйы Стыр хæст уымæн ирд æвдисæн. Ирыстоны фæсивæдæй 1941-1945 азты уæззау хæстон фæндагыл чи фæцыд, уыдонимæ уыдысты Бигъуылаты дыууæ хæстоны – Василий æмæ Петр. Сæ хæстон фæндæгтыл афæлгæсыд Хæуытаты Зитæ.
Ирыстонæй нæлгоймаг фæсивæдæй 1941-1945 азты уæззау хæстон фæндагыл чи ацыд, уыдонимæ уыдысты Зæрæмæгæй Бигъуылаты дыууæ хæстоны—Василий æмæ Петр.
Хъæууон скъола æмæ сæм педагогон институты фæстæ сæм , бæргæ уыд рæсугъд фæндтæ æмæ бæллицтæ фидæнмæ, фæлæ æрбайхъуыст Фыдыбæстæйы Стыр хæсты сау хабар æмæ дыууæйæ дæр фыццæгтимæ 1941 азы араст сты райгуырæн зæхх цы фыддæр знагæй бахъахъхъæнынмæ. Дыууæйæн дæр се фсæддон фæндаг райдыдта Кавказы зæхх хъахъхъæныны тохтæй.
Василий хæцгæ-хæцын бахæццæ Украинæйы онг. Уыд 2-æм æхсæг батальоны, 6-æм æхсæг ротæйы сержант. Тынг æххуыс уыд цæф æфсæддонтæн тохы быдырты. Йæхæдæг дæр цалдæр хатты æрцыд уæззау цæфтæ. Дзæбæх кодта йæхи госпитальты .
Иу ахсджиаг хæстон операцийы рæстæг йæ взыгъдзинады руаджы мæлæт ссардта немыцаг сгарджыты къорд. Цы хæрзиуджытæ йын саккаг кодтой, уыдонæй йæхицæн зынаргъдрыл нымадта Намысы майдан.
Василий йæ кæстæр æфсымæр Петримæ хæсты быдыры фæхицæн сты… Бæргæ ма йæ агуырдта Василий, стæй йæм æнхъæлмæ кастысты бинонтæ дæр, фæлæ дзы ницуал хабар æрбайхъуыст…Абоны онг нымад у æбæрæгæй сæфтыл..
Хæсты фæстæ азты Василий бакодта бинонты хъуыддаг, Йæ цардæмбал Мысыкаты Хадизæтимæ фæкуыстой Кировы хъæуы скъолайы. Схъомыл кодтой æмæ раст фæндагыл сæвæрдтой сæхи фæзминаг кæстæрты. Сæ хъару невгъау кæнгæйæнæ, стыр æвæрæн бахастой уыцы рæстæджы фæлтæры хъомыладмæ …
Цæудзысты азтæ, фæлтæртæ ивдзысты фæлтæрты, фæлæ никуы ферох уыдзысты райгурæн бæстæйы сæраппонд чи тох кодта, уыдоны рухс нæмттæ.
