Дзæуджыхъæуы трамвайты депойæ куыд фехъусын кодтой, афтæмæй йæ аххосаг – сæйраг электрон дæлстанцæ хъыгдард кæй баййæфта, уый.
Сихормæ 26 вагонæй маршруттæм рацыдысты 15.
Дзæуджыхъæуы трамвайты депойæ куыд фехъусын кодтой, афтæмæй йæ аххосаг – сæйраг электрон дæлстанцæ хъыгдард кæй баййæфта, уый.
Сихормæ 26 вагонæй маршруттæм рацыдысты 15.
Куыстуат «Владэлектротранс»-ы директор Дедегкаты Оледжы ныхæстæм гæсгæ, дæлстанцæтæ иууылдæр кæй асастысты, уымæ гæсгæ 4 боны зын цæуæн у Николаевы уынгæй Чапаевы уынджы онг.
Фæлæ хæстæгдæр рæстæг вагæттæ иууылдæр рацæудзысты æмæ цæрджытæн сæ бон уыдзæн трамвайтæй æнæкъуылымпыйæ пайда кæнын.
Боллоты Виктор, куыстуат «Владэлектротранс»-ы трамвайон депойы хицау: «Нæ дæлстанцæйыл 20 азæй фылдæр цæуы. Базæронд сты кабельтæ, кусæнгæрзтæ, ивæн хæйттæ. Стæй фаг дæр нæ кæнынц. 3 дæлстанцæйы иумæ асастысты. Дыууæ дзы цалцæг кæнæм. Иу скодтам æмæ трамвайтæ рацыдысты. Гæнæн æмæ амал куыд уа, афтæ архайдзыстæм, цæмæй трамвайтæй чи пайда кæны, уыдон ма тыхсой, уый тыххæй».