Райдыдтой Сæрибары фæзæй
Республикæйы Сæргълæууæг Битарты Вячеслав æмæ хицауады сæрдары хæдивæг Азымты Иринæ инспекцион балцы рацыдысты Дзæуджыхъæуы историон хайыл. Райдыдтой Сæрибары фæзæй. Уым ныртæккæ кæронмæ фæхæццæ кæны ног уæлцъар сæвæрыны куыст. Республикæйы разамонæг куыд федта, афтæмæй Сабырдзинады проспекты Мордовцевы уынгæй Горькийы уынджы онг уаццаг сцалцæг кодтой кæронмæ. Уый та у 420 метры бæрц.
Фæткмæ гæсгæ подрядон организаци цæттæ кæны инженерон хызтæ. Стыр æргом аздахдзысты, уарындæттæ кæдæм цæудзысты, уыцы бынæттæм. Нысан ма кæнынц аллейæ сцалцæг кæнын. Хетæгкаты Къостайы Центрон парчы рацарæзтыл дзургæйæ та, зыгътой – райхалынмæ кæй хъавынц, ресторан «Нар»-ы раз цы кæлæддзаг бæстыхай ис, уый. Уымæй дарддæр ацы объекттæ халдзысты ноггонд парчы хуыз. Ам уыдзæн ног къахвæндæгтæ, сывæллæттæн ирхæфсæн фæз. Уæ зæрдыл уын æрлæууын кæндзыстæм, парчы аивгæнæн куыст цæуы, федералон проект «Горæты æнцонвадат архайд» æххæст кæнгæйæ.
Битарты Вячеслав æмæ Азымты Иринæ ма федтой, культурон объекттыл нымад чи у, уыцы объектты рацарæзт. Уымæй дарддæр республикæйы разамонæг бабар кодта фæндаггон картæ саразын, æмæ Национ музей кæд байгом уыдзæн, уый æмгъуыд снысын кæнын.
