Цæгат Кавказы федералон зылды спортивон съолаты куыст райрæзын кæныны паддзахадон хæс æвæрд æрцыди 2017-æм азы
РЦИ-А Сæргълæууæг Битарты Вячеслав æмæ УФ-йы Президенты æххæстбарджын минæвары хæдивæг Цæгат Кавказы федералон зылды Максим Владимиров кусæг фембæлды рæстæг æрныхас кодтой республикæйы Уæрæсейы хъахъхъæнынады министрады спортивон скъола «Æфсады центрон спортивон клуб» саразын. Цæгат Кавказы федералон зылды спортивон съолаты куыст райрæзын кæныны паддзахадон хæс æвæрд æрцыди 2017-æм азы. Æфсæддон спортивон скъолайы арæзтады фæлварæн проект нысан кæнынц Цæгат Ирыстоны райдайын. Битарты Вячеслав куыд загъта, афтæмæй Цæгат Ирыстоны сæ зæрдæ дарынц, проекты ахадындзинадыл, уымæн æмæ уый æххуыс уыдзæни профессионалон спорты райрæзтæн дæр, хорзырдæм фæзындзæни рæзгæ фæлтæры раст хъомыладыл, стæй сæ æмхиц кæндзæни æнæниз царды уагмæ. Республикæйы разамонæджы ныхæстæм гæсгæ, регионы ахæм клуб куы фæзына, уæд уый фæсивæды размæ æфсæддон спорты бæрзæндтæм схизынмæ байгом кæндзæн ног гæнæнтæ. Уымæй уæлдай, клуб æххуыс уыдзæни Цæгат Ирыстоны æмæ Уæрæсейы иугонд командæтæн спортивон резерв бацæттæ кæныны хъуыддагæн. Фидæны рæзгæ фæлтæры ргом здахдзæн физкультурæмæ. Республикæйы хицауад цæттæ сты, цæмæй проект царды æнтыстджынæй рацæуа, уымæ, загъта Битарты Вячеслав. Федералон бæрнон кусæг дæр йæхи бафиппайдта, Цæгат Ирыстон бæстæйы æмæ дунейы спорты рæзтмæ стыр æвæрæн кæй бахаста, уый. Йæ хъуыдмæ гæсгæ Цæгат Ирыстон йе нтыстдзинæдтыл хъуамæ ма рлæууа, æмæ дарддæр архайа, фæсивæды спортмæ æмхиц кæнынæн ног гæнæнтæ гом кæныныл.
