Уæвгæ уыцы хæстæ Алан æххæст кодта фаронæй фæстæмæ, ныр та йын йæ кандидатурæ сфидар кодтой.
Битарты Вячеслав фембæлд æмæ арфæтæ ракодта Цалиты Аланæн, экологон, техникон æмæ атомон цæстдарды Федералон службæйы Кавказаг Управленийы разамонæджы хæдивæгæй нысангонд кæй æрцыд, уый фæдыл. Уæвгæ уыцы хæстæ Алан æххæст кодта фаронæй фæстæмæ, ныр та йын йæ кандидатурæ сфидар кодтой. Федералон службæйы Кавказаг Управленийы разамонæг Халидбег Алхасов куыд фехъусын кодта, афтæмæй Цалиты Алан йæхи равдыста æцæг профессионалæй. Цæгат Ирыстоны сæргълæууæг сын загъта бузныджы ныхæстæ, стæй ма бафиппайдта, йæ зæрдæ кæй дардзæн æнгом æмæ ахадгæ æмгуыстадыл. Битарты Вячеслав ма загъта, Электроцинчы заводы консервацийы æппæт мадзæлтты тыххæй дæр хъуамæ ныхас кæй цæуа Кавказаг Управленийы специалисттимæ.
