Уæрæсейы президенты æххæстбарджын минæвар Цæгат Кавказы Федералон зылды Олег Белавенцев регионты сæргълæуджытимæ, федералон министрадты æмæ ведомствæты минæвæрттимæ æрдзырдтой национ æдасдзинады фарстатыл.
Уæрæсейы Федерацийы æдасдзинады Советы секретарь Николай Патрушев
Черкесскы цы æмбырд сарæзта, уым архайдта нæ республикæйы сæргълæууæг Битарты
Вячеслав дæр. Уæрæсейы президенты æххæстбарджын минæвар Цæгат Кавказы Федералон
зылды Олег Белавенцев регионты сæргълæуджытимæ, федералон министрадты æмæ
ведомствæты минæвæрттимæ æрдзырдтой национ æдасдзинады фарстатыл. Ныхас ма цыд
фæсивæды патриотон æмæ удварны хъомыладыл. Николай Патрушев йæ раныхасы куыд
бафиппайдта, афтæмæй ацы фарстайыл регионты куыст у лæмæгъ. Æфсæддон æмæ
барадон службæмæ цæттæгæн паддзахадон-æхсæнадон организацитæ æппæт тыхтæй нæ
архайынц. Уый хыгъд нæ республикæйы сæргълæууæг Битарты Вячеслав загъта Цæгат
Ирыстоны хицауад ацы фарстамæ æппынæдзух йæ цæст кæй дары. Фæсивæды
социализацийы центрты архайдмæ, куыд Дзæуджыхъæуы, афтæ районты хъæуы ивддзинæдтæ бахæссын. Уымæн æмæ уыдон
хъуамæ суой, рæзгæ фæлтæримæ чи кусы,
уыцы сæйраг оргæнтæ.
