Ныхас цыд нæ федералон зылды социалон-экономикон рæзты хатдзæгтыл.
Битарты Вячеслав архайдта Цæгат
Кавказы хъуыддæгты фæдыл министрады коллегийы æмбырды Ессентукийы. Æмбырдмæ ма
хуынд æрцыдысты Федерацийы Советы уæнгтæ, Паддзахадон думæйы депутаттæ,
компанитæ «Цæгат Кавказы курорттæ» æмæ «Цæгат Кавказы рæзты
Корпорацийы» минæвæрттæ, стæй æхсæнадон советты уæнгтæ. Ныхас цыд нæ
федералон зылды социалон-экономикон рæзты хатдзæгтыл. Зæгъæм, ивгъуыд аз
инвестициты бæрц сырæзт 504 миллиард сомы онг. Уый, 2016-æм азимæ абаргæйæ у 4
проценты фылдæр. Цæрджыты æфтиæгтæ дæр сырæзтысты. Демографион уавæрыл
дзургæйæ, бæрæггонд æрцыд Цæгат Кавказы федералон зылд, иннæтимæ абаргæйæ кæй у
хуыздæрты хсæн. Битарты Вячеслав йæ раныхасы загъта, нæ республикæйы, раздæрау,
ахсджиаг кæй у инвестицион архайды фарста. Нæ республикæйы разамынд архайы
амалхъомдзинадæн æмбæлгæ уавæртæ аразынылæмæ инвесторты æргом здахыныл.
