æйраг темæ – санитар он эпидеологон уавæр, æмæ бæстæйы экономикæйæн, стæй цæрджытæн æххуыс кæныны ног мадзæлттæ
Республикæйы Сæргълæууæг Битарты Вячеслав архайдта Влдадимир Путин цы ведеоконференци сарæзта, уым. Сæйраг темæ – санитар он эпидеологон уавæр, æмæ бæстæйы экономикæйæн, стæй цæрджытæн æххуыс кæныны ног мадзæлттæ.
Президент куыд загъта, афтæмæй 12-æм майы фесты æнæкусгæ бонтæ. Фæлæ, алы субъектæн дæр бар ис уавæр хынцгæйæ бынаты снысан кæнын сæ дарддæры архайд. Владимир Путины хъуыдымæ гæсгæ, бацархайын хъæуы, цæмæй низ ноджыдæр тынгдæр ма стыхджын уа. Сæвзæрд уавæрæй рацæуын æнцон нæ уыдзæни. Уымæн бахъæудзæни бирæ рæстæг. Уымæ гæсгæ, цалынмæ эпидеми нæ фæуа, уæдмæ хъуамæ алчидæр æххæст кæна саитарон домæнтæ. Уæ зæрдыл уын æй лæууын кæнæм, Цæгат Ирыстоны хи изоляцийы фæтк адарддæр кодтой 31-æм маймæ.
Хъуамæ алчидæр пайда кæна маскæтæй æмæ æрмкъухтæй. Бирæ адæм кæм æмбырд кæнынц, ахæм бынæттæм нырма цæуæн нæй. Цардархайды лæггæдты объектты хъуамæ æххæст кæной санитарон домæнтæ. 65 азæй уæлæмæ кæуыл цæуы, уыцы адæм хъуамæ сæхи хъахъхъæной уæлдай тынгдæр.
Видеоконференцийы рæстæг ныхас цыди Уæрæсейы цæрджытæн баххуыс кæныны мадзæлттыл дæр. Афтæ, фæфылдæр уыдзæни сывæллонмæ кæсыны фиддон. Æртæ азы онг кæуыл цæуы, ахæм сывæллæттæ цы бинонты ис, уыдонæн июнæй фæстæмæ дæтдзысты 5-гай минтæ алы сывæллонæн дæр. Уымæй уæлдай, 10-гай минтæ исдзысты цалынмæ сывæллоныл 16 азы нæ сæххæст уа, уæдмæ. Æххуыс райсыны тыххæй хъæуы паддзахадон лæггæдты кæнæ та, пенсион фонды хайады порталы курдиат баххæст кæнын. Ахæм æххуыс Уæрæсейы æнхъæлмæ кæсы 27 милуан сывæллонмæ.
