Афтæмæй Цæгат Ирыстоны территорийы бар нæй театралон, культурон-рухстауæн, ирхæфсæн, спортивон æмæ æндæр мадзæлттæ аразынæн
Битарты Вячеслав бафыста Уынаффæ, Уæрæсейы Президенты Указ æнæкусгæ бонты мадзæлттæ æххæст кæныны тыххæй. Афтæмæй Цæгат Ирыстоны территорийы бар нæй театралон, культурон-рухстауæн, ирхæфсæн, спортивон æмæ æндæр мадзæлттæ аразынæн.
Уæлдайдæр та дзы нæй, Уæрæсейы æндæр регионтæй æмæ фæсарæйнаг бæстæты минæвæрттæн архайыны фадат. 19-æм апрельмæ нæ республикæйы территорийы баурæдтой ресторанты, кафеты, хæрæндæтты, уыимæ базарадон-ирхæфсæн центрты чи уыд, уыдоны куыст. Урæд æрцыд базарты куыст дæр. Уыцы уагæвæрд нæ хауы афтектæм, æнæмæнг хъæугæ товартæ уæйгæнæг дуканитæм.
Уымæй дарддæр, раздарæу фадат ис, адвокатты, нотариусты, машинæты техникон лæггæдтæ исынæн. 19-æм апрельмæ ма нæ кусынц аивгæнæн салонтæ, æмæ æндæр ахæм объекттæ. Документмæ гæсгæ республикæйы æппæт цæрджытæ хъуамæ уой сæ хæдзæртты, æмæ æнæ бæлвырд аххосагæй макуыдæм цæуой. Хæдзарон цæрæгойтæ кæмæ ис, уыдоны тезгъо кæнынмæ ракæнæн ис, æрмæст сæ цæрæн хæдзарæй 100 метрæй дарддæр куыд нæ цæуой, афтæ.
Указмæ гæсгæ ма хъуамæ алыидæр æххæст кæна социалон дистанци. Кусгæ чи кæны, уыцы адæм та хъуамæ семæ хæссой бардæттæг гæххæт. Ахæм фæтк нæ парахат кæны разамонджытыл, паддзахадон оргæнты кусджытыл, бынæттон хиуынаффæйады минæвæрттыл, арæзтадон организацитыл æмæ æнæрлæугæ куысты организациты фæллойгæнджытыл. 19-æм апрельмæ ма æхгæд æрцыдысты паддазхадон ахуырадон организацитæ. Уынаффæ æххæст кæныны фæдыл бæлвырд амынддзинæдтæ райстой Цæгат Ирыстоны æххæстгæнæн хицаудзинады æмæ бынæттон хиуынаффæйады оргæнты кусджытæ.
