Уыдон уыдысты – ацы аз социалон, фæллойадон æмæ æхсæнадон архайды хуыздæр бæрæггæнæнтæ чи равдыста, уыцы адæм
Битарты Вячеслав фембæлд Дзæуджыхъæуы цæрджытимæ. Уыдон уыдысты – ацы аз социалон, фæллойадон æмæ æхсæнадон архайды хуыздæр бæрæггæнæнтæ чи равдыста, уыцы адæм. Цæгат Ирыстоны Сæргълæууæг се ппæты зæрдыл æрлæууын кодта, 2020-æм аз куыд зын уыди не ппæтæн дæр, уый. Регионы разамонæг ма бафиппайдта, афæдзы зындзинæдтæ нæ хынцæгйæ, бирæ дзæуджыхъæуккæгтæн бантыст стыр æнтыстдзинæдтæ равдисын.
Битарты Вячеслав ма радта кады грамотæтæ дæр. Афтæ йæ бирæ азты æнæзæрдæхудт фæллойы тыххæй «Республикæйы æнæниздзинадхъахъхъæнынады сгуыхт кусæджы ном» лæвæрд æрцыд куыстуат «Центр коррекции двигательных нарушений»-йы сæйраг дохтыр Чеджемты Ноннæйæн. Дзанайты Зауырбег та амæй фæстæмæ хæсдзæн «Цæгат Ирыстоны культурæйы сгуыхт кусæджы» ном. Сæ куысты æнтыстдзинæдты тыххæй Битарты Вячеслав кады гæххæттытæй схорзæхджын кодта 4 адæймаджы. Йæ номæй арфæйы фыстæджытæ та райстой ноджыдæр ма 5 специалисты. Культурæйы рæзтмæ æмæ музыкалон аивадмæ стыр æвæрæн кæй бахаста, уый тыххæй номарæн майдан «Дзæуджыхъæу – æфсæддон намысы горæт»-æй хорзæхгонд æрцыд нæ республикæйы композиторты цæдисы сæрдар Махъоты Ацæмæз. Дзæуджыхъæуы муниципалон сконды сæрдар Икъаты Русланбег та кады грамотæтæ радта 9 адæймагæн. Хуыздæр кусджытæн ма раарфæ кодта горæты администрацийы сæргълæууæг Фæрниаты Тамерлан.
