19 февраля 2020, 18:14
Битарты Вячеслав йе рвылазон ныстуан зæгъдзæн респубикæйы парламентæн
Йæ ныхасы бындур уыдзысты, Хицауад 2019 азы куыд бакуыста, уый, стæй ацы аз регионы экономикæйы райрæзты фарстатæ
Райсом Цæгат Ирыстоны разамонæг Битарты Вячеслав йе рвылазон ныстуан зæгъдзæн респубикæйы парламентæн. Йæ ныхасы бындур уыдзысты, Хицауад 2019 азы куыд бакуыста, уый, стæй ацы аз регионы экономикæйы райрæзты фарстатæ. Битарты Вячеслав парламентæн йæ ныстуан зæгъдзæн ныр цыппæрæм хатт. Парламенты æмбырд комкоммæ эфиры æвдисдзысты паддзахадон телерадиокомпани Аланийы официалон сайты æмæ ютуб каналы, байхъусæн та йæм уыдзæнис радио ФМ Аланийы, 104.5 уылæнтыл.
