Уый та уыд тæмæнтæ калгæ даргъ сырх къаба æмæ туфлитæ
Уый та уыд тæмæнтæ калгæ даргъ сырх къаба æмæ туфлитæ. Йæ фыстæг арвыста акци «Бæллицты заз бæлас»-ы сайтмæ. Ног азы агъоммæ заз бæласæй фыстæгимæ хъазæн райста республикæйы сæргълæууæг Битарты Вячеслав æмæ дыккаг бон сæххæст кодта чысыл Викторийæйы курдиат. Цъæхилты Викæ цæры Бæслæны, ахуыр кæны 2-æм къласы, уыцы-иу рæстæг цæуы музыкалон скъоламæ дæр. Битарты Вячеслав фæнысан кодта йæ тырнындзинад ахуырмæ, уый йе мгæрттæн у дæнцæгæн хæссинаг. Ног азы лæвар республикæйы сæргълæууæгæй бинонтæн уыд æнæнхъæлæджы. Йæ мад Татьянæ загъта, æнхъæл нæ уыдысты æмæ сæ чызджы бæллиц кæй сæххæст кæндзæн республикæйы сæргълæууæг Битарты Вячеслав.
Ныр та Викторийæйы стырдæр мæт у – фыццаджыдæр кæдæм ацæуа ацы рæсугъд къабайы. Акци «Бæллицты заз бæлас»-ы Виктория архайы фыццаг хатт. Цæгат Ирыстоны та мадзал арæзт цæуы дыккаг хатт. Викæйы бæллицæй фæстæмæ ма республикæйы сæргълæууæг сæххæст кодта 2 бæллицы, уыдон дæр базыдта «Бæлицты заз бæласæй».
