Архайдтой дзы субъекты сæргълæуджытæ. Серей Чеботаревы ныхæстæм гæсгæ паддзахадон программæйы фæрцы сæдæгай адæмæн фæзынд куысты бынæттæ
Республикæйы сæргълæууæг Битарты Вячеслав видеоконференцийы бастдзинады фæрцы архайдта УФ Цæгат Кавказы хъуыддæгты фæдыл министр Сергей Чеботаревы разамындæй арæзт æмбырды. Ныхас цыд паддзахадон программæ «Цæгат Кавказы федералон зылды райрæзтыл». Архайдтой дзы субъекты сæргълæуджытæ. Серей Чеботаревы ныхæстæм гæсгæ паддзахадон программæйы фæрцы сæдæгай адæмæн фæзынд куысты бынæттæ. 2 миллиарды та сты инвестицитæ. Цæгат Ирыстоны экномикæйæн дæр программæ ахъаз у, загъта Битарты Вячеслав. 2017-2018-æм азты конкурсы ацыдысты 5 инвестицион проекты. Цæмæй царды æххстгонд æрцæуой, уый тыххæй та федералон бюджетæй ист æрцыд 900 милуан сомы. 5 проекты фæрцы 285 адæймагæн фæзынд куысты бынæттæ. Программæйы фидæныл дзургæйæ Битарты Вячеслав загъта, ведомствæты хсæн арæзт кусæг къорды æмбырды кæй сбæрæг кодтой 4 инвестпроекты. Паддзахадон æххуысыл сæ ныфс дарынц æнæххæстбарджын æхсæнадтæ «Фундук Алании», «Колос -2019», «Грин», «Иугонд арæзтадон компани 21 æнус». Битарты Вячеслав ма йе ргом аздæхта, цæмæй инвестпроектты æппын къаддæры бæрц уа ныллæгдæр, абон у 50 милуан сомы. Битарты Вячеславы хъуыдымæ гæсгæ, афтæмæй сæххæст кæнæн ис къаддæр хæрдзтимæ проекттæ царды рауадзын. Зæгъæм, хи хæдзæртты саразын чысыл æхсыры куыстгæнæнтæ. Сергей Чеботарев зæрдæ бавæрдта, ацы фæндонмæ æркæсынæй.
