Сæ ныхасы ма архайдтой хъæууон хæдзарады къабазы æмæ æххæстгæнæн хицаудзинады оргæнты минæвæрттæ
Цæгат Ирыстоны Сæргълæууæг Битарты Вячеславæн кусæг фембæлд уыд китайаг-уæрæсейаг базарадон палатæйы президент Юрий Носенкоимæ. Сæ ныхасы ма архайдтой хъæууон хæдзарады къабазы æмæ æххæстгæнæн хицаудзинады оргæнты минæвæрттæ. Республикæйы разамонæг раарфæ кодта уазджытæн, æмæ загъта Цæгат Ирыстоны разамынд кæддæриддæр кæй æххæуыс кæны, нæ республикæйы территорийы амалхъомдзинады æмæ инвестицион архайды рæзтмæ æвæрæн чи хæссы, уыдонæн. Куыд зонæм, афтæмæй фæнд кæнынц Цæгат Ирыстоны, экологон æгъдауæй сыгъдæг хойраг аразын хæдзарон фосæн. Уый та фадат ратдзæн нæ республикæйы социалон-экономикон рæзтæн, сæйрагдæр та – ног куысты бынæттæ самал кæнынæн. Ацы хъуыддагыл хъæуы бæстон æрныхас кæнын, загъта Битарты Вячеслав. Юрий Носенко куыд бафиппайдта, афтæмæй куыстуат экологон хомаг цæттæ кæны кæсаджы хуызтæн дæр. Бахæссынц æм сæрмагонд хъацæнтæ, сты хъæздыг æмæ пайда алыхуызон æууæлтæй. Фембæлды рæстæг хаст æрцыд уынаффæ, Цæгат Ирыстоны кæсагдарæн куыстуæтты æмæ инвесторты хсæн фæлварæн æмгуыстады фæдыл.
