Битарты Вячеславæн кусæг фембæлд уыд республикæйы хъæууон хæдзарады æмæ хойраджы министр Уазиты Хъазыбегимæ.
Министр радзырдта Уæрæсейы хъæууон хæдзарадимæ, кæсаджы куыстгæнæн агентадимæ æмæ агропромышленнон лизинджы компаниимæ цы фарстатыл кусынц, уый тыххæй. Уыимæ фехъусын кодта Цæгат Ирыстонмæ ссæуинаг кæй сты Уæрæсейы касагахсджыты разамынд æмæ бынаты æркæсын нæ республикæйы гæнæнтæм. Абоны онг ацы къабазы райрæзтмæ цæуы инвестицитæ. Уымæ гæсгæ 2018-æм азы кæсаг рауагътой 980 мин тоннæйы. Уый, фаронимæ абаргæйæ, у 640 тоннæйы фылдæр.
Раздæр Битарты Вячеслав архайдта, Уæрæсейы хъæууон хæдзарады министр Дмитрий Патрушев Железноводскы цы æмбырд сарæзта, уым æмæ дзы фæнысан кодтой 2018-æм азы Цæгат Ирыстоны хъæууон хæдзарады куыст хузыдæрыдæм кæй ивы. Фæлæ лæмæгъ у халсартæ æрзайыны куыст. Йæ аххосæгтæй иу у консервытæ куыстгæнæн заводтæ нæм кæй нæй. Уымæ гæсгæ агурынц инвестортæ. Республикæйы хъæууон хæдзарады æмæ хойраджы министрад кусы зæронд техникæ ногтæй баивыныл дæр. Акционерон æхсæнад «Росагролизинджы» фæрцы фарон хъæууон хæдзарадон техникæ райстам 550 милуан сомы аргъæн.
Уазиты Хъазыбег ма радзырдта нæ регион кæй архайы 2020-æм 2024-æм азтæм арæзт программæйы, уый баст у хъæууон хæдзарады фæзуæтты райрæзтимæ. Проекты фæрцы фæстаг азты арæзт æрцыд цалдæр социалон кусæнуаты.
21-æм майæ 3-æм июньмæ халсарты куыст кæнынæн грант райсын кæй фæнды, уыдонæй хъæууон хæдзарады министрады кусджытæ истой сæрмагонд гæххæтытæ.
