Республикæйы Сæргълæууæг фæбæрæг кодта, хæстæгдæр рæстæг кæуыл хъæуы бакусын, уыцы фыццаградон хæстæ.
Битарты Вячеславæн кусæг фембæлд уыди Цæгат Ирыстоны райрæзты Агентады ног разамонæг Плиты Алыксандримæ.
Республикæйы Сæргълæууæг фæбæрæг кодта, хæстæгдæр рæстæг кæуыл хъæуы бакусын, уыцы фыццаградон хæстæ. Йæ раныхасмæ гæсгæ, амалхъом адæмæн хорз уавæртæ скæныны тыххæй республикæмæ хъæуы инвесторты ргом раздахын. Райрæзты Агентадмæ йæ куысты стыр фæлтæрддзинад нæй. Архайы æрмæстдæр 2 азы, фæлæ уыцы рæстæгмæ гыццыл хъуыддæгтæ нæ сарæзтой. Битарты Вячеслав куыд загъта, афтæмæй проектон офисы æмбырдты республикæйы хицауады æмæ райрæзты Агентады минæвæрттимæ бæлвырд ныхас фæцæуы дарддæры куысты фæткыл. Абон онг уал фидаргонд æрцыди æнæниздзинадхъахъхъæнынады, хъæууон хæдзарады æмæ ахуырады къабæзты рæзтæн программæтæ. Райрæзты Агентады сæйраг хæс у, инвестортæ агурын, уымæ гæсгæ куыстуат хъуамæ йæ тыхтæ сараза уыцы фарстамæ. Плиты Алыксандр дæр йæхи ‘рдыгæй зæрдæ бавæрдта, регионы аккаг рæзтыл кæй архайдзæн, уымæй.
