филиал вгтрк государственная телерадиовещательная компания “Алания”

Республикæйы сæргълæууæг Битарты Вячеславы фæндонмæ гæсгæ коронавирусы ныхмæ чи тох кодта, уыцы дохтæртæн сæвæрдзысты цыртдзæвæн. Ныридæгæн уал фидæны монументæн сæвæрдтой фыццаг дур. Мадзалы архайдтой хицауады минæвæрттæ, стæй медицинон ахуыргæнæндæтты студенттæ.

Республикæйы разамонæг куыд бафиппайдта, афтæмæй Цæгат Ирыстоны разамынд дарддæр æххуыс кæндзæнис, коронавирусæй чи амард, уыцы дохтырты бинонтæн, стæй ныры онг адæмы æнæниздзинадыл чи тох кæны, уыцы медиктæн. Фыццаг дур кадджын уавæры бавæрдтой Битарты Вячеслав, æнæниздзинадхъахъхъæнынады министр Годжысаты Тамерлан æмæ коронавирусы ныхмæ кусæг къорды разамонæг Быценты Роланд.