филиал вгтрк государственная телерадиовещательная компания “Алания”

Республикæйы сæргълæууæг, Битарты Вячеславы уынаффæмæ гæсгæ нæ республикæйы куыстуаттæ хуыйын райдыдтой медицинон маскæтæ. Фарстамæ цæст дарынц республикæйы  экономикæйы, стæй промышленносты æмæ транспорты министрадтæ.

Хомагæй сæ ифтонг кæны хæрзаудæн фонд «Ирыстон». Ныронг цы маскæтæ бахуыдтой, уыдон фистæгæйцæуджытыл байуæрстой. Æппæтуæрæсен адæмон фронты фæсивæдон штабы уæнгтæ, бархионтæ – медиктæ, ресурсон центры бархионтæ æмæ штаб «Мы»-йы уæнгтæ. Æдæппæтæй уал адæмæн радтой 1 мин маскæйы. Маскæтæ уæрст цыдысты Архонкæмæ фæзилæны, стæй базар  «Алан»-ы цур. Маскæтæ ма арвыстой медицинон кусæнуæттæм, стæй районты администрацитæм, цæмæй сæ уарой зианты рæстæг.