Уыдонæн сæ иу хай медицинон куыстуат арвыста сывæллæтты республикон клиникон рынчындонмæ
Республикæйы бизнес-æхсæнады минæвæрттæ тагъд æххуысы клиникон рынчындонæн балæвар кодтой хъахъхъæнæн уæлæдарæс æмæ маскæтæ. Æдæппæтæй 200 костюмы æмæ 500 маскæйы. Уыдонæн сæ иу хай медицинон куыстуат арвыста сывæллæтты республикон клиникон рынчындонмæ.
Хæрзаудæн фонд кусы ныр къуырийы бæрц. Уыцы мгъуыдмæ йæ сæ фæрæзтæй фæхъæздыгдæр кодтой 20 амалхъом адæймаджы. Афтæмæй фонды ис 16 милуан сомы. Ахæм куыст бакæнын у алкæйы бон дæр. Ныридæгæн адæмæн се ххуысы хай бахастой егъау комапниты минæвæрттæ, Парламенты депутаттæ. Тагъд æххуысы клиникон рынчындоны кусджытæ куыд загътой, афтæмæй тынг бацин кодтой сæ лæвæрттыл.
Ахæм костюмты ныртæккæ медиктæ кусынц фæсарæнты, европæйаг бæстæты, Америкæйы, Мæскуыйы. Ахæм гуманитарон æххуыс сын тынг ахсджиаг у, уымæн æмæ персонал цух æййафы хи хъахъхъæнæн фæрæзтæй.
