26 мая 2014, 11:21
Борис Щукины номыл театралон институт ацы аз бæрæг кæны йæ 100 азы юбилей
У æппæт дунейыл хъуыстгонд Вахтанговы скъола. Йæ кадæн мадзæлттæ райдыдтой Дзæуджыхъæуы. Цæгат Ирыстонмæ ссыдысты театралон институты профессортæ æмæ педагогтæ: Михаил
Цæгат Ирыстоны арæзт цæуынц, Борис Щукины номыл театралон институтыл 100 азы кæй æххæст кæны, уый кадæн мадзæлттæ. Республикæмæ ссыдысты театралон институты профессортæ æмæ педагогтæ: Михаил Борисов, Мария Оссовская, Анна Дубровская æмæ Владимир Гончаров. Абон уазджытæн уыд фембæлд хицауады сæрдары хæдивæг Челæхсаты Рустемимæ æмæ культурæйы министр Хæбæлаты Фатимæимæ. Дзырдтой, зындгонд ахуыргæнæндон Ирыстоны театралон аивады райрæзтмæ цы ‘вæрæн бахаста, уый тыххæй. Щукины номыл институт нæ республикæйæ каст фесты 200 адæймаджы бæрц. Челæхсаты Рустем уазджытæн скодта зæрдылдарæн лæвæрттæ – национ куклатæ. Уый фæстæ институты ахуыргæнджытæ сæвæрдтой дидинджытæ Евгений Вахтанговы цыртдзæвæны цур. Семæ баиу сты инсититуты алы азты рауагъдонтæ дæр. Бæрæгбоны программæ æххæстгæнгæйæ Дзæуджыхъæуы ацы бонты арæзт цæудзысты пресс-конференцитæ, дæсныйадæвдисæг ахуыртæ, сфæлдыстадон фембæлдтытæ.
Мелыкаты Замирæ, РЦИ-Аланийы адæмон артисткæ: «Уый у махæн стыр бæрæгбон, уымæн æмæ мах иууылдæр стæм Щукины сывæллæттæ. Бирæ зонындзинæдтæ райстам уым, стыр ахуыргонд ахуыргæнджытæ куыстой немæ. Æмæ фæлтæрæй фæлтæрмæ кæрæдзийæн, бирæтæ нæ кусынц студенттимæ, университеты».
темæмæ гæсгæ
