филиал вгтрк государственная телерадиовещательная компания “Алания”

Бынæттон амалхъом адæймаг Дзæджыхъæуы политехникон техникумæн балæвар кодта агъуыст æмæ кусæн ифтонгарз. Ахæм цау ахуыргæнæндоны историйы æрцыди фыццаг хатт. Ныртæккæ ахуырдзаутæн сæ бон уыдзæнис æнцондæрæй ахуыр кæнын æмæ сæ зонындзинæдтæ практикон уагæй фидар кæнын. Ног базæйы машинæтæн сисæн фæрæзтæй уæлдай ис компьютерон диагностикæйæн техникæ. Абоны онг машинæты техникон лæггæдты факультеты ахуыр кæны сæдæ адæймаджы онг. Техникумы куыд загътой, афтæмæй уыцы къабазы специалистты ныртæккæ агурынц уæлдай зæрдиагдæрæй. Сæ ныхасмæ ма куыд бафтыдтой, афтæмæй уыцы лæвары фæрцы ахуыргæнæндоны байгом кæндзысты ног факультет.