Кусынц терапевтон, хирургион, стоматологон хайæдтæ, сылгоймæгты æмæ сывæллæтты консультацитæ, стæй клиникон-диагностикон лаборатори
Бындурон цалцæджы фæстæ Октябрьскæйы байгом кодтой Горæтгæрон районы рынчындоны поликлиникæ. 1987-æм азæй фæстæмæ дзы бындурон цалцæг нæ уыд. Поликлиникæйы кусынц терапевтон, хирургион, стоматологон хайæдтæ, сылгоймæгты æмæ сывæллæтты консультацитæ, стæй клиникон-диагностикон лаборатори. Боныгон стационары нысан кæнынц онкологон рынчынтæн амбулаторон æххуысы центр байгом кæнын. Фидараты Маринæ радзурдзæн бæстондæр.
Нырыккон кусæнгæрзтæ æмæ æнцонвадат кабинеттæ. Ахæм у ныртæккæ Горæтгæрон районы рынчындоны поликлиникæ. Байгом æй кодтой рацарæзты фæстæ. Бындурон цалцæг дзы нæ уыд 1987-æм азæй фæстæмæ.
Горæтгæрон районы цæрджытæн поликлиникæйы цавæр уавæртæ скодтой, уый фенынмæ æрбацыд хицауады сæрдар Дзанайты Барис. Куыд загъта, афтæмæй бындурон цалцæг фадат радта санитарон-эпидемиологон уавæр фæхуыздæр кæнынæн. Уымæй дарддæр бакуыстой зынгсирвæзтыты ныхмæ æмæ техникон домæнтæ сæххæст кæныныл.
Ног поликлиникæ иу бонмæ лæггад кæндзæн 600 адæймагæн. Сæрмагнод æххуыс кæндзысты Камбилеевскæйы, Октябрьскæйы æмæ Иры хъæуы цæрджытæн.
Кабинеттæ сифтонг кодтой нырыккон кусæнгрæзтæй. Ис дзы рентгенаппарат, флюорограф, гастроскоп æмæ колоноскоп, компьютерон томограф, спирографтæ, холтертæ. Уымæй дарддæр клиникон-диагностикон лаборатори, физиотерапевтон хайад æмæ эндоскопигæнæн кабинет.
Поликлиникæйы кусынц терапевтон, хирургион, стоматологон хайæдтæ, сылгоймæгты æмæ сывæллæтты консультацитæ. Уæдæ дохтыртæй дæр цух не ййафынц. 115 специалисты, стæй ма 145 та сты астæуккаг медицинон персонал. Ноггонд поликлиникæйы кусы боныгон стационар æмæ тагъд æххуысы хицæн пункт.
