Куыд ма уын æй хъусын кодтам, афтæмæй дзы æврæны райдыдтой хъæдын рудзынгæмбæрзæнтæ
Бындуронæй æркæсинаг историон объект – Дæргъæвсы некрополь. Куыд ма уын æй хъусын кодтам, афтæмæй дзы æврæны райдыдтой хъæдын рудзынгæмбæрзæнтæ. Нырма уал нысан кæнынц 12 дзæппазы сæхгæнын дуæрттæй. Се ппæт дæр æвæрд сты некрополы кæрон, Къæхтысæрмæ фæндагмæ хæстæг. Фидæны та нысан кæнынц æппæт дзæппæзтæ сæхгæнын, цæмæй æнустæм хъахъхъæд æрцæуой ацы уникалон æмæ зæрдылдарæн бынæттæ. Бокоты Виктория радзурдзæн бæлвырддæр.
Хъæдын рудзынгæмбæрзæны фыццаг хуыз уал сæвæрдтой Дæргъæвсы некрополы дзæппæзтæй иуы. Æрмдæсныйæн бантыст рагон хуыз бахъахъхъæнын. Спайда кодта зæронд сыфнæзыйы бæласæй. Уыимæ æнæ иунæг зæгæлæй, æмæ дуар æнцонтæй нæ байгом кæндзынæ.
Нырма уал нысан кæнынц дыууадæс дзæппазы сæхгæнын дуæрттæй. Се ппæт дæр æвæрд сты некрополы кæрон, Къæхтысæрмæ фæндагмæ хæстæг. Ацы дзæппæзтæ сты æппæтæй тæссагдæр, уымæн æмæ сæм арæх бацæуынц хъæддаг сырдтæ æмæ йæхи æнæмбæлгæ уагыл чи дары, ахæм адæм.
Хъæдын рудзынгæмæбæрзæнтæ æвæрыны рæстæг фæзынд ахсджиаг фарста – ома дзæппæзты æвзæр тæф нæ фæзындзæн, зæгъгæ. Фæлæ специалисттæ куыд сбæрæг кодтой, афтæмæй вентиляцийы системæ бахынцтой, бæстыхæйттæ аразгæйæ. Цыппарæрдыгæй дæр ныууагътой хуынчъытæ сæрмагондæй уæлдæфæн. Дуæртты дæр уыдзысты. Иннæ фарста та баст у туристтимæ. Ома дам сæм мæрдты горæт цымыдис нал кæсдзæн, мидæгæй сæ куы нæ уыной, уæд зæгъгæ. Национ музеймæ ис йæхи хъуыдытæ.
Фидæны нысан кæнынц Дæргъæвсы некрополы æппæт дзæппæзтæ сæхгæнын, цæмæй æнустæм хъахъхъæд æрцæуой ацы уникалон æмæ зæрдылдарæн бынæттæ.
