Адæмон фронты минæвæрттæ æмæ Ирыстойнаг зылды бирæсывæллонджын бинонтæн æххуысы центр Ног Азы агъоммæ барухс кодтой сабиты зæрдæтæ
Cæ сæйраг нысан – сабиты зæрдæтæ бахъæлдзæг кæнын. Адæмон фронты минæвæрттæ æмæ Ирыстойнаг зылды бирæсывæллонджын бинонтæн æххуысы центр Ног Азы агъоммæ барухс кодтой сабиты зæрдæтæ. Уыимæ канд лæвæрттæй нæ, фæлæ ма хъæлдзæг æрхъуыдыдзинæдтæй. Бæстондæр нын акцийы цыды тыххæй радзурдзæн Сосранты Жаннæ.
Азы диссæгты бæрæгбонмæ алчидæр зæрдиагæй фенхъæлмæ кæсы. Хæтæгты Мæрия дæр, йе фсымæртимæ бæллы сæхи гыццыл хæдзармæ. Бирæ азты бинонтæ рахау-бахау кæнынц æххуырсгæ цæрæнуæттыл.
Адæмон фронты минæвæрттæ Хæтæгты бирæсывæллонджын бинонтæн цы хойрæгты хызын æрбахастой, уый сын у зынгæ æххуыс. Нозт, къалбас, дыргътæ æмæ къафеттæ. Ахæм хызын райстой Æгъуызарты бинонтæ дæр.
Ацы бонты Уæрæсейы бирæсывæллонджын бинонтæ исынц лæвæрттæ акци «МыВместе»-йы фæлгæты.
Адæмон фронты активисттæ, бизнез-æхсæнад æмæ фæсивæдон адæмон фронты регионалон командæимæ раарфæ кодтой сывæллæтты республикон рынчындоны реабилитацион хайады пациенттæн. Акци саразджытæ сывæллæтты бабæрæг кодтой аргъæутты хъайтартимæ. Митын Дада, Митын чызг æмæ Тигры лæппынимæ хъæзтытæ бахъæлдзæг кæндзысты канд сабийы зæрдæ нæ, фæлæ хистæр кары адмы удтæ дæр.
Соматикон корпусы пациенттæ та арфæтæ райстой тæхгæ Митын Дадайæ. Уый сæм æрбакаст палатæты рудзгуытæй. Ирвæзынгæнджыты Æппæтуæрæсеон студентон корпусы минæвæрттæ æнæхуыр хуызы арфæ кодтой сывæллæттæн Ног Азы агъоммæ. Митын Дада иу бæндæныл æрхызт хæдзары сæрæй æмæ раарфæ кодта чысыл пациенттæн. Ног боны лæавæрттæ ма сын ракодтой дыхтыртæ æмæ медицинон хотæ.