филиал вгтрк государственная телерадиовещательная компания “Алания”

Уæрæсейы æмæ Ирыстоны адæмон нывгæнæг Челæхсаты Магрезы театралон эскизты равдыст байгом театралон аивадон музейы. Экспозицимæ хаст æрцыдысты ахæм спектакльтæ, куыд: «Тимон Афинаг», «Амыран», «Паддзах Лир» æмæ æндæртæм декорацитæм эскизтæ. Се ппæт куыстытыл дæр Магрез архайдта Ирон, Уырыссаг æмæ музыкалон театрты. Музейы разамынд куыд зæгъы, афтæмæй ахæм хъæздыг сфæлдыстадон бынтæ бахъахъхъæнын уыди тынг ахсджиаг. Равдыст уыдзæни æрвылазон. Зындгонд нывгæнæджы сфæлдыстад хи цæстæй феныны фадат ис, кæй фæнды, уыдонæн се ппæтæн дæр.