Уый фæстæ та уыдзæн чемпионаты Национ къæпхæн. Уым йæхи равдисынмæ хъавы Цæгат Ирыстоны иугонд командæ дæр
Чемпионат «Абилимпиксы» æвзарæн къæпхæнтæ арæзт æрцæудзысты 18-æм ноябры. Уый фæстæ та уыдзæн чемпионаты Национ къæпхæн. Уым йæхи равдисынмæ хъавы Цæгат Ирыстоны иугонд командæ дæр. Ацы аз зынгæ фæуæрæхдæр. Уымæ гæсгæ зæрдæ дарæн ис уæлахизыл. Куыд æм цæттæ кæнынц сæхи нæ республикæйы фæсивæд, уый тыххæй радзурдзæн Фидараты Маринæ.
Сæйрагдæр у – къæрцъхъус уæвын. Ахæм амындтытæ дæттынц педагогтæ. Машинæйы лыстæг хъуыддæгтæ нæй. Станислав Трусовæн машинæйы моторы архайын у уарзон хъуыддæгтæй иу. Ахуыр кæны Дзæуджыхъæуы политехникон техникумы 5-æм курсы. Уымæ гæсгæ, йе нæниздзинад хъыгдард кæмæн у, уыцы фæсивæды хсæн национ чемпионат Абилимпиксы архайынмæ йæхи тынг бæрнонæй цæттæ кодта. Раздæр уал фæуæлахиз республикон къæпхæны. Разæй та – æвзарæн тур Мæскуыйы.
Фароны ерысты дæр нæ республикæйы кад хъахъхъæдта ацы ахуыргæнæндоны студент. Кæд фыццаг бынат нæ бацахста, уæддæр йæхи хорз равдыста. Ацы аз та раззаг бынæттыл зæрдæ дарæн ис. Стасы ахуыргæнæг куыд зæгъы, афтæмæй фæсивæды цæттæ кæнынц теорийæ, æмæ практикæйæ дæр. Кæд æмæ сæм техникон базæ фаг нæй, уæддæр архайынц, æмæ сæхимæ здахынц бæрнон куыстуæтты ргом.
Автомеханикæйы специалистты категори чемпионат Абилимпиксы ацы аз фæзынд фыццаг хатт. Ам та Цæгат Ирыстоны кад хъахъхъæндзæн Дзусты Аслан. Уый дæр у техникумы ахуыргæнæг. Уыцы-иу рæстæг йæхи цæттæ кæны ерыстæм.
Студенткæ, волонтер æмæ республикæйы иугонд командæйы уæнг Бедойты Арианæ та пайда кæны алы фадатæй дæр, цæмæй чемпионатмæ йæхи иттæг хорз бацæттæ кæна, уый тыххæй. Арианæ йæ зонындзинæдтæ æвдисдзæн райдиан кълæсты ахуыргæнæджы компетенцийы.
Арианæ конкурсы архайы фыццаг хатт. Ахуыр кæны педагогон институты 4-æм курсы. Йæ педагогимæ архайынц сæ фæлтæрддзинадыл бафтауыныл, цæмæй Мæскуыйы сæхи куыд æмбæлы, афтæ равдисой, æмæ жюрийы уæнгтæн сæхи бацамоной, уый тыххæй. Мæскуыйы финалы æрæмбырд уыдзысты æрмæстдæр хуыздæр минæвæрттæ, Уæрæсейы алы регионтæй. Æвзарæн къæпхæнтæ ацæудзысты 18-æм ноябры, уый фæстæ та уыдзæн чемпионаты Национ къæпхæн. Ацы аз нæ республикæйы иугонд командæйы уыдзæн фылдæр адæм. Уый та нысан кæны уый, æмæ уæлахизыл æнæмæнг зæрдæ дарæн кæй ис.
