филиал вгтрк государственная телерадиовещательная компания “Алания”

Фыццаг рауагъдмæ хаст æрцыдысты Тагауры комы цæрджыты тыххæй къухфыстытæ. Ацы чиныджы та архивон службæйы кусджытæ ныммыхуыр кодтой Бæтæхъойы хъæуы, Дарг-Къохы, Заманхъулы, æмæ Зилгæйы фыццаг цы бинонтæ æрбынат кодтой, уыдоны царды хабæрттæ. Чиныджы сыфтыл æрмæст нæмттæ æмæ мыггæгтæ не сты. Бакæсæн дзы ис алы бинонты хыххæй дæр æппæт информаци. Суанг ма цы диныл хæст уыдысты, æмæ сæм цы исбон уыди, уый дæр. Чиныг аив у хуызистыты къопитæй, æмæ Тугъанты Махарбеджы нывтæй. 3-аг чиныг рауадзын нысан кæнынц 2015-æм азы. Разæр æрмæст наукон иртасджытæн зындгонд цы документтæ уыдысты, уыдонмæ æркæсыны фадат ныр уыдзæн се ппæтæн дæр. Чиныг цымыдисаг уыдзæн йæ фыдæлты уидæгтæ базонын кæй фæнды, уыдонæн.