15 февраля 2024, 11:29
Чиныджы «Летопись дружбы и созидания» презентаци арæзт æрцыд Дзæуджыхъæуы
Бацæттæ йæ кодта æхсæнадон организаци «Русь» æмæ баст у Цæгат Ирыстоны национ-культурон æхсæнадты истори, архайд æмæ рæзтимæ
«Летопись дружбы и созидания». Ахæм сæргондимæ чиныджы презентаци арæзт æрцыд Уæрæсейы президенты бынатмæ кандидат Владимир Путины æхсæнадон штабы. Бацæттæ йæ кодта æхсæнадон организаци «Русь» æмæ баст у Цæгат Ирыстоны национ-культурон æхсæнадты истори, архайд æмæ рæзтимæ. Чиныджы презентацийы архайдтой Уæрæсейы Федерацийы сенатор Виталий Назаренко, национ политикæйы æмæ æддагон бастдзинæдты министр Бæгъиаты Алан, æхсæнад «Русь»-ы ног разамонæг Андрей Попов, стæй национ-культурон æхсæнадты минæвæрттæ. Чиныджы тираж у 300 экземпляры. Сæ иу хай ныридæгæн лæвæрд æрцыд Цæгат Ирыстоны библиотекæтæн.
темæмæ гæсгæ
