Æмæ 6 азы размæ се скъолайы бындурыл сывæллæттæн сарæзтой секци. Ныййарджытæ йæ сæхæдæг сифтонг кодтой хъæугæ кусæнгæрзтæй æмæ дзы ныр рæзгæ фæлтæр тренировкæтæ кæнынц лæвар.
Чиныг кæсын хорз у, фæлæ спортæй дæр хъæуы архайын. Ахæм у Камбилеевкæйы цæрджыты хъуыды. Æмæ 6 азы размæ се скъолайы бындурыл сывæллæттæн сарæзтой секци. Ныййарджытæ йæ сæхæдæг сифтонг кодтой хъæугæ кусæнгæрзтæй æмæ дзы ныр рæзгæ фæлтæр тренировкæтæ кæнынц лæвар. Се хсæн ис республикæйы бæстæй æмæ дунейы чемпионтæ. Ныр дæр 2 хъомылгæнинджы сæхи цæттæ кæнынц дунейы ерыстæм къуыххæстæй.
Болæтаты Кæмиллæ лæппуты æмрæнхъ ныр дыккаг аз архайы къуыххæстæй спорты. Йæ тренер дæргъæвæтин рæстæг нæ разы кодта чызгы секцимæ райсын, ома къæсхуыртæ æрыгон чызгæн йæ æнæниздзинадæн пайда нæ уыдзæн, фæлæ Камиллæ йæ фæнд атардта æмæ йæ æнтыстытæй равдыста дзæгъæлы ацы спорты хуызмæ кæй нæ тырныдта. Чызг сси республикæй, бæстæйы æмæ Дунейы чемпионатты уæлахиздзау.
Клуб «Колизей»-ы къæбисмæ фыццаг майдантæ бахаста Киситы Азæмæт. 5 азы тренировкæты рæстæг лæппу рамбылдта сæрмагонд лигæ «Ирон Файт Тим»-ы рон. Уимæ ма алы хуызон ерысты майдантæ, сæ иумæйаг уæз у 4 килойы. Рамбылдта евроазиатаг къæпхæны дунейы кубок къуыххæстæй. Йæ спортивон æнтыстыты къæбицы сты сызгъæрин майдантæ греплингæй, каратэйы алы хуызтæй æмæ æмхæццæ хъæбысхæцтæй.
Ныр Азæмæт æмæ Камиллæ сæхи цæттæ кæнынц дунейы чемпионатмæ. Уыдзæн Мæскуыйы, фæлæ йæм сæхи цæттæ кæнынц сæ райгуырæн хъæу Камбилеевкæйы. Траенировкæтæ кæнынц лæвар. Сæ хъæуы секци байгом кодтой 6 азы размæ. Бынæттон скъола сын радта бынат, ныййарджытæ та йæ сæхæдæг сифтонг кодтой æмæ фыццаг ерыстæй лæппутæ æмæ чызг райдыдтой æмбулын.
Тренеры æмæ сæ хистæрты хъуыды уыд иу – кæстæрты уынгæй ратонын, сæ размæ сæвæрын нысан æмæ сын радтын ныфс. Уимæ йæхи спорты бафæлварынмæ чи хъавы, уыдонæн Клубы дуарттæ æпынæдзух сты гом.
