Афæдз æмæ *рдæг ыл куыстой республикæйы архивон службæйы кусджытæ
Чиныг «Мы заслонили родину собой»-ы презентаци уыд Цæгат Ирыстоны гуманитарон æмæ социалон иртæстыты институты. Афæдз æмæ *рдæг ыл куыстой республикæйы архивон службæйы кусджытæ. Æмбырд дзы сты, Фыбыдæстæйы Стыр хæсты азты фронты чи фæмард, Ирыстоны уыцы поэтты, фысджыты æмæ журналистты тыххæй 30 биографион æрмæджы. Чиныджы æвдыст цæуы се сфæлдыстад. Æмбырдгонд цæттæгæнгæйæ автортæ бакуыстой бирæ документалон æрмæджытимæ. Уыимæ æрмæст республикон архивæй нæ. Информаци райстой национ библиотекæйы, алыхуызон музейты, Цæгат Ирыстоны паддзахадон университеты, стæй хъахъхъæнынады архивы специалисттæй. Чиныджы тираж у 500 экземпляры. Рауагътой йæ Уæлахизы 80 азы кадæн. Презентаци бабæрæг кодтой, чиныг кæй тыххæй у, уыдоны хæстæджытæ.
