Уыцы хъуыдыйыл хæст сты Лескены чиныгдоны кусджытæ
Чиныгмæ æмхиц чи уа, уыцы адæймаджы миддуне у хъæздыг æмæ райдзаст. Уыцы хъуыдыйыл хæст сты Лескены чиныгдоны кусджытæ. Сæ архайд у бирæтæн бафæзминаг. Ам хъæуы цæрджытæн аразынц цымыдисаг мадзæлттæ. Радоны уыд Сосранты Жаннæ дæр, æмæ йын бакæсæм йæ сюжетмæ.
Хуыты Ларисæ Лескены чиныгдонмæ æрбацæугæйæ йæ цæстæнгас цæуыл æрлæууын кодтаид, уый дæр не мбæрста. Цымыдисаг, алы темæтимæ баст къуымтæй æххæст бынат. Уæдæ дзы цы рагон цардыуаг æвдисæг къуым ис, уым та йæм æнхъæлмæ каст – лæвар. Кæцыйыл тынг зæрдиагæй бацин кодта.
Уæвгæ, ацы къуым иунæг хъуыддаг нæу, ардæм хъæуы цæрæг алы кары адæм чи лвасы, ахæм амал. Лескены чиныгдон кæдæй кусы, уæдæй бирæ фæлтæртæн сси хъæуы уарзондæр бынаттæй иу. Ууыл та зæрдиагæй кусы йæ коллектив.
Уæдæ алыхуызы æмвæзады конкурсты архайынмæ дæр нæ зивæг кæнынц. Сæ арæхстдзинад æмæ чиныджы дунемæ фæндаг амоныны сусæгдзиндтæ никæмæн æвгъау кæнынц, амонынц сæ сæ æмкусджытæн иннæ хъæутæй.
Ларисæмæ хъусгæйæ чиныгæн æнæ бауарзæн нæй. Йæ фæлмæн цæстæнгас æмæ ныхасæй сывæллæтты æмхиц кæны чиныгмæ.
Йæ кусджытæ цы диссаджы мадзæлттæ æрхъуыды кæнынц сæ кæсджытæн, уыдон вæййынц бафæзминаг. Сæ иу, хъæуы зындгонд ахуыргонд, медицинон академийы æнусы рдæг чи фæкуыста, уыцы Хуыты Хæпæты чызг Ларисæимæ. Профессор сын радзырдта йæ фыд Фыдыбæстыйы Стыр хæсты архайæг Хуыты Хæпæты царвæндаджы тыххæй.
Лескен Ирыстоны дæрддзæф хъæу кæй у, уымæй йæ цæрджытæн дардмæ цæугæ рауайы бирæ хъуыддæгтæм. Уый æмбаргæйæ культурæйы хæдзары æмæ Хидирты Ехьяй номыл библиотекæйы кусджытæ архайынц хъæуы цæрджыты æрвылбоны цард райдзастдæр кæныныл. Куыд фæзæгъынц, кусын кæй фæфæнды, уый æфсон нæ фæагуры.
