Фæстаг рæстæг фæсивæд арæхдæр кæсын райдыдтой куыд сæрмагонд, афтæ аивадон литературæ
Чиныгуарзаг Ирыстон. Фæстаг рæстæг фæсивæд арæхдæр кæсын райдыдтой куыд сæрмагонд, афтæ аивадон литературæ. Уыимæ гæххæттын чиныгæн ныртæккæ ис конкуренттæ дæр. Рæзгæ фæлтæр бирæ уарзынц кæсын, фæлæ æвзарынц электрон æмæ аудио-чингуытæ. Уый дæр у рæстæджы домæн. Иу ныхасæй – чиныджы кæсын у ахсджиаг хъуыддаг. Уыимæ уæлдай нæу модæ у, æви сабидуджы кæй бауарзтой, уыцы хъуыддаг. Темæйыл дарддæр радзурдзæн Гæджиты Сослан.
Профессионалон æмæ аивадон литературæ. Кабинеты чингуытæ тынг бирæ. Уыдонмæ уарзондзинад ныффидар йæ сабибонтæй фæстæмæ. Чиныг у хорз æмбал. зæгъы Дедегкаты Виктор.
Дедегкаты Виктормæ стыр библиотекæ ис йæ хæдзары дæр. Йæхæдæг куыд зæгъы, афтæмæй дзы уæлдай сыфтæ нæй. Кæддæриддæр йæ уæгъд рæстæг уарзта чиныджы кæсын. Ууыл сахуыр кодта йæ цоты æмæ уыдоны кæстæрты дæр. Ахæм ахсатдзинад амоны йе студенттæн дæр.
Куыд зонæм, афтæмæй модæ ивы циклтæм гæсгæ. Уыимæ чингуыты модæ дæр афтæ. Ныртæккæ чингуытæ кæсын бирæтæ уарзынц. Уыимæ – фæсивæды хсæн. Уæдæ авторты хсæн дæр фæзынд бирæ æрыгон нæмттæ. Журналист æмæ поэт Гуыбыраты Зæлинæ куыд зæгъы, афтæмæй уымæн ахъаз у уый дæр, æмæ фæстаг рæстæг нæ республикæйы кæй фæзынд алыхуызон литературон фæзтæ.
Фæлæ зæгъын хъæуы уый дæр, æмæ чиныгæн ныртæккæ кæй ис бирæ конкуренттæ. Плиты Сослан ныр бирæ азты кусы фæсивæдимæ. Куыд зæгъы, афтæмæй Ирыстоны рæзгæ фæлтæр бирæ уарзынц кæсын, фæлæ æвзарынц электрон æмæ аудио-чингуытæ. Уый дæр у рæстæджы домæн. Стæй ма иу фиппаинаг – фылдæр æвзарынц фæсарæйнаг авторты.
Зæгъдзыстæм ма уый дæр, æмæ чиныг, раздæрау, у æппæтæй ахсджиагдæр æмæ æхсызгондæр лæвæрттæй иу. Чингуыты дуканиты арæхдæр равзарынц сæрмагонд литературæ, зæгъæм, психологийæ. Уæдæ стыр цымыдисадзинад дæр æвзæрын кæны национ литературæ. Иу ныхасæй – чиныджы кæсын у ахсджиаг хъуыддаг. Уыимæ уæлдай нæу модæ у, æви сабидуджы кæй бауарзтой, уыцы хъуыддаг.
