14 апреля 2014, 16:59
Чырыстон дины ахуырады æмæ культурæйы центр «Покров»-ы арæзт æрцыд музыкалон изæр
Бацæттæ кодтой Хетæгкаты Къостайы поэмæ «Се человек»-мæ гæсгæ композици. Зарæггæнджыты разæй уазджытæн раарфæ кодта Дзæуджыхъæуккаг æмæ Алайнаг архиепископ Зосима.
Бацæттæ кодтой Хетæгкаты Къостайы поэмæ «Се человек»-мæ гæсгæ композици. Зарæггæнджыты разæй уазджытæн раарфæ кодта Дзæуджыхъæуккаг æмæ Алайнаг архиепископ Зосима. Уацмыс «Се человек» дзуры, Чырысти цы хъизæмæрттæ бавзæрста, уый тыххæй. Уымæ гæсгæ сфæнд кодтой музыкалон изæр Комдарæны карздæр къуырийы размæ саразын. Композици азарыд епархиалон зарæггæнджыты къорд, йæ сæргъы диакъон Петр Евстафьев, афтæмæй. Режиссер Багаты Олланæйы ныхæстæм гæсгæ, ацы равдыст цæттæ кодтой 2 азы размæ, фæлæ уæд сæ къухы нæ бафтыд. Ныр æй сарæзтой Къостайы райгуырды юбилейон азы.
Хъесаты Эльзæ, Хетæгкаты Къостайы хæдзар-музейы директор: «Чырыстийы тыххæй иронау бирæ нæ фыста Къоста. Цæмæн? Абон дæр нын зын зæгъæн у уый».
темæмæ гæсгæ
