филиал вгтрк государственная телерадиовещательная компания “Алания”

Авд къуырийы уырнæг адæмæн нæй дзидза, сой, æйчытæ, æхсыры продукттæ хæрæн. Сылгоймæгты Алайнаг моладзæндоны Стыр комуадзæнмæ сæхи рагагъоммæ цæттæ кæнын райдыдтой. Сæрды бацæттæ кодтой бирæ дыргътæ, халсартæ, гагадыргътæ, мыд æмæ, Комуадзæны рæстæг хæрæн кæй ис, ахæм æндæр хойрæгтæ. Моладзæндоны цы адджинæгтæ, сойджын æмæ дзидзаджын хæринæгтæ баззади, уыдон байуæрстой уырнæг адæмæн æмæ сывæллæттæн. Аивтой аргъуанты æмбæрзæнтæ дæр. Чырысти цы хъизæмæрттæ бавзæрста, уый номыл моладзæндоны байтыдтой тар æмбæрзæнтæ. Дины кусджыты ныхæстæм гæсгæ, Комдарæны сæйрагдæр нысан у адæймагæн йæхи йæ тæригъæдтæй ссыгъдæг кæнын, Хуыцаумæ кувын æмæ дзы хатыр курын. Ком чи дары, уыдон хъуамæ хойрагæй уой хиуылхæст, чъизи æмæ æбуалгъ митæ сæ сæрмæ ма хæссой. Фылдæр рæстæг Хуыцаумæ кувой æмæ уой сыгъдæгзæрдæ. Ацы бонты ссыгъдæг кæндзысты сæ буар æмæ сæ удтæ. Ком дарын хъæуы Куадзæнмæ, ацы аз цæуы 20-æм апрелмæ. Ныр та уал уырнæг адæм цæуынц модадзæндонмæ æмæ дины кусджытимæ кувынц Ирыстоны рæсугъд фидæныл æмæ сабырдзинадыл.