Чырысти Иорданы доны аргъуыд кæй æрцыд, уый кадæн чырыстон диныл хæст адæм сбæрæг кодтой рагондæр æмæ стырдæр бæрæгбæттæй иу – Доныскъæфæнтæ.
Чырысти Иорданы доны аргъуыд кæй æрцыд, уый кадæн чырыстон диныл хæст адæм сбæрæг кодтой рагондæр æмæ стырдæр бæрæгбæттæй иу – Доныскъæфæнтæ.
Бæрæгбоны æгъдау сæххæст кодтой Дзæуджыхъæуы Сыгъдæг Георгийы аргъуаны. Службæйы фæстæ адæм дзуæртты нывтимæ рацыдысты Терчы былмæ. Ам Доныскъæфæнты аргъуыд сарæзта Махачкалайы æмæ Дзæуджыхъæу архиепископ Зосимæ.
Фыййагдоны нæлгоймæгты моладзандоны дæр уыд бирæ уырнæг адæм. Ам та бæрæгбоны аргъуыд сарæзта Алайнаг моладзæндоны фыд Стефан.
Аргъуантæ æмæ моладзандонтæм чи æрбацыд, уыдон иууылдæр не сфæлдисæгæй куырдтой зæххы хорзæхтæ, сабыр цард æмæ рухс фидæн нæ кæстæртæн.
Дзалаты Æхсар: «Ардæм æрбацыдтæн уый тыххæй, цæмæй мæхихуцауы раз ссыгъдæг кæнон. Сæмæй сыгъдæгæй цæрон. Æвзæрæй никæмæн ницы кæнын, фæлæ уæддæр цы дæр хъæндзинæдтæ нæм вæййы æмæ цæмæй уыдон дæр нын дон аласа, уымæн ардæм æрбацыдыстæм ме мбæлттимæ. Æмæ Хуыцау арфæ кæнæт».
Дзусаты Аслан: «Бæрæгбоны хорзæх уæ уæт Иры адæм. Хуыцау уын æххуысгæнæг уæт. Цыдæриттæр хорзæй ис, уымæй хайджын куыд фæуат æмæ уын Хуыцау æххуысгæнæг уæт».
