Сæ саразыныл бакуыстой республикон центр «Мой бизнес»-ы специалисттæ
Чысыл æмæ астæуккаг бизнесы минæвæрттæн лæвар ахуыртæ цæуынц Дзæуджыхъæуы разамынды институты. Сæ саразыныл бакуыстой республикон центр «Мой бизнес»-ы специалисттæ. Ахуырадон программæ «Технологон амалхъомдзинады бындуртæ» арæзт у ахуыргæнинæгты фæлтæрддзинад фæфылдæр кæнынмæ. Æртæ боны йæ архайджытæ базонгæ уыдзысты интерактивон куыстимæ æмæ сæ проекттæн модельтæ аразынимæ. Ахуыргæнæн процессы хатдзæгтæм гæсгæ амалхъом адæм райсдзысты сертификаттæ. Уыдоны фæрцы та сæ бон уыдзæн Цæгат Ирыстоны экономикон рæзты Министрадæй грантты æххуыс райсын 500 мин сомы. Грант райсгæйæ та сын уыдзæн хицæн куыстуат, кæнæ æнæххæстбарджын æхсæнад байгом кæныны фадат. Зæгъдзыстæм ма уый дæр, æмæ ахæм ахуыртæ ацæуæн ис, кæй бафæнда, уыдонæн се ппæтæн дæр.
