Уый тыххæй Дзанайты Барис фехъусын кодта, Президенты æххæстбарджын минæвары цур координацион советы æмбырды Цæгат Кавказы федералон зылды
Чысыл æмæ астæуккаг субъектты бæрц афæдзмæ сырæзт 8% æмæ сси 18 мин адæймагæй фылдæр. Уый тыххæй Дзанайты Барис фехъусын кодта, Президенты æххæстбарджын минæвары цур координацион советы æмбырды Цæгат Кавказы федералон зылды. Фембæлд арæзт æрцыди æххæстбарджын минæвары хæдивæг Владимир Надыктойы разамындæй. Премьер æрдзырдта бизнесы инфраструктурæйы рæзты тыххæй, стæй республикæйы кæмæй пайда кæнынц, ахæм федералон æмæ регионалон æххуысы мадзæлттыл. Куыд фæнысан кодта, афтæмæй кредитон гарантиты Фонды æмæ коммерцион банкты æмгуыстады фæрцы, чысыл æмæ астæуккаг бизнесы минæвæрттæ æххуыс райстой 7 сæдæ милуан сомæн. Уый та хорзырдæм фæзынд республикæйы экономикæйы уавæрыл. Ацы азы райдианæй чысыл æмæ астæуккаг куыстуæтты микрофинансты фонд радта 76 æфстауы, 55 милуан сомæн. Республикæ активонæй архайы Корпораци «МСП»-имæ, уый дæтты алывæрсыг æххуысы мадзæлттæ. Дзанайты Барис загъта, чысыл æмæ астæуккаг амалхъомдзинады субъекттæн баххуыс кæныны лæггæдтæ дарддæр ахæццæ кæндзысты национ проект «Ахадгæ æмæ ерысхъом экономикæ»-йы фæлгæты.
