Стыр æргом ма аздæхтой анестезияйы æмæ клиникон физиологийы фарстатæм
Ковид-19-æй реанимацион пациентты дзæбæх кæныны тактикæ куыд ивта, ууыл æрныхас кодтой Цæгат Ирыстоны паддзахадон медицинон академийы. Стыр æргом ма аздæхтой анестезияйы æмæ клиникон физиологийы фарстатæм. Афтæмæй арæзт æрцыд регионты хсæн 20-æм наукон-практикон конференци. Архайдтой дзы Уæрæсейы æмæ Донецкы адæмон республикæйы раззагдæр специалисттæ. Уыдон радзырдтой сæ фæлтæрддзинады тыххæй æмæ ма æрныхас кодтой ног тенденцитыл. Мадзалы рæстæг ма кадджын уавæры схорзæхджын кодтой Уæрæсейы наукæты сгуыхт архайæг, Цæгат Ирыстоны медицицнон академийы анестезиологийы æмæ реаниматологийы кафедрæйы сæргълæууæг Виталий Слепушкины. Ацы аз сбæрæг кодта йе 75 азы юбилей. Республикæйы Сæргълæууæджы номæй йын раарфæ кодта æнæниздзинадхъахъхъæнынады министр Тебиаты Сослан. Йæ бирæ азты æнæзæрдæхудт фæллойы тыххæй Виталий Слепушкинæн лæвæрд æрцыд «Цæгат Ирыстоны сгуыхт дохтыры» кадджын ном.
