Бæлвырддæр та сæ тыхсын кæны сæ фатерты уавæр.
Горæтгæрон районы Дачнæйы цæрджытæ Ног азы агъоммæ сæмбæлдысты къуылымпыдзинæдтыл. Бæлвырддæр та сæ тыхсын кæны сæ фатерты уавæр. Кæлæддзаг хъæдын хæдзæрттæй сæ ногтæм ракодтой 3 азы размæ, æнхъæл уыдысты, сæ цардарахайды фадæттæ фæхуыздæр уыдзысты, зæгъгæ. Фæлæ фыдæнхъæл фесты. Фатертæ домæнтæн дзуапп нæ дæттынц. Уымæл æмæ хъуынайы тæф æвзæрырдæм зыны се нæниздзинадыл. Бæлвырддæр Касаты Наирæ.
Дачнæйы Дриаты фатер, зæгъæн ис, æмæ у ног. Кæлæддзаг хъæдын хæдзæрттæй сæ бирæфатерон фатертæм раивтой 3 азы размæ, федералон программæ æххæст кæнгæйæ. Фæлæ къултæ æмæ цартæ ныридæгæн дæр сты хъуына, уыимæ згъæлынц сæ сæрстытæ.
Сыхаг фатеры дæр у уымæл. Цæрджытæ зæгъынц, хæдзар иууылдæр у уыцы уавæры. Уæлдай тынгдæр дзы тыхсынц сывæллæттæ.
Адæм сæ хъаст хæссынц алы бæрнон куыстуæттæм. Горæтгæрон районы администрацийы дзуапп радтой фарстайæн.
Администрацийы зæрдæ бавæрдтой, мæйы æмгъуыдмæ хъуыддаг æвзæрст кæй æрцæудзæн, уымæй. Афтæмæй, Ног азы агъоммæ Дриаты бинонтæн сæ бон бауыдзæн сæ фатермæ базилын.
